Besti dagurinn

Í dag 20 maí er veðrið hér á Akureyri með því besta sem það hefur orðið þennan mánuð eða upp undir 10 gráður.  Framanaf var töluverður vindur en nú í kvöld er nánast orðið logn.

Á föstudaginn fór ég til Húsavíkur að erindast, þá var fremur kalt hér en lítill vindur en á Húsavík var bara drullu kalt og hvasst, þannig að maður var hálf skjálfandi (kannski ekki skrítið) úr kulda þegar maður skaust út úr bílnum og inn í hús.

Rólegt verður líklega út mánuðinn nema kannski við þurfum að renna suður 29 eða 30 það kemur í ljós á næstu dögum.

Reykingaleysið gengur vel er að verða komnir tveir mánuðir núna 23. maí.  Engin löngun ekkert vesen.

En nóg að sinni.