Bruggarinn

Höfundur: Valgeir Árnason

Auðbrekku

 

Þetta eru bara fyrstu tvö erindin, en ég á það allt í kollinum alla veganna ef ekki líka á blaði.

 

Bruggarinn

 

Hann krýpur við hlóðirnar hálfboginn,

hugsandi starir í eldinn,

hann veit hann er sekur og verður um sinn,

að vaka er líður á kveldin.

 Eytrið í katlinum sýður sogar,

það seytlar um pípur, það logar, það logar.

 

Bruggarinn tautar flaskan er full,

að fela er mestur vandinn.

Mig dreymdi víst áðan demant og gull,

það er daufur í flöskunni landinn.

 Svo læðist hann burtu lúmskur sem refur,

um lágnættið grefur og grefur

Bruggari tekinn í Hafnarfirði

Reykingar

Nú eru liðnir sex mánuðir síðan ég drap í og hefur mér gengið ótrúlega vel að hætta.

Sumir segja kannski að þetta sé ekkert mál, en eftir að vera búinn að reykja í fjörtíu ár þá finnst mér það dá gott að hætta.

Ef áframhaldið verður á sama veg og hingað til þá er það bara gott.

Nú er ég búinn að skrifa flest ljóðin eftir pabba hér inn á bloggið, á eftir að fara yfir það til þess að full vissa mig um að allt sé komið.

Ég set kannski síðar inn lausavísur og jafnvel eitthvað af sögunum það kemur bara í ljós.

Pungapróf

Því í and........ heitir þetta pungapróf?

Sexfalt fleiri taka pungapróf

Stífur

Margir verða stífir undir Hafnarfjalli, ekki risvandamál þar.

Stífur vindur undir Hafnarfjalli

Hneykslismál

Það er þetta með ísl krónurnar erlendis á sama tíma og við viljum losna við hana???

Hneykslismál skekur Bandaríkjaher

Tíu vikur

Eða 0.4 daga fyrir hvern km sem hann er yfir löglegum hraða.

Tíu vikna fangelsi fyrir að aka á 276 km hraða

66. Ljóð Þögn

Höfundur: Guðmundur Árni Valgeirsson

Auðbrekku

f: 11.11.1923  d: 17.04.1976 

 

ÞÖGN

 

Hvers vegna eigum við ekki

að eiga svolítið næði,

hlusta á þögnina þegja

og þegja í friði bæði.

 

Þá gæti verið, að þögnin

þreyttist á sínum kala

og færi svo allt í einu

óviljandi að tala.

 

Vegna þess vil ég reyna

að vera í friði og þegja.

Það væri svo voða gaman

að vita hvað hún mundi segja.

65. Ljóð Vorflug

Höfundur: Guðmundur Árni Valgeirsson

Auðbrekku

f: 11.11.1923  d: 17.04.1976

 

VORFLUG

 

 

Nú svíf ég yfir sundin

og sæki skipin þín,

því létt og fleyg er lundi

litla stúlkan mín.

Við skulum sigla saman

og syngja nýjan óð,

það verður voða gaman,

eitt vordags geislaflóð.

 

 

Byrinn okkar býður

og báran kveður ljóð,

tíminn léttur líður

við ljóma af stjörnuglóð.

Við eigum alla heiminn,

aðeins þú og ég,

en Guð má eiga geiminn

og ganga þar sinn veg.

 

 

Við ættum litla ljúfa

að lána honum eitt skip,

þá færi hann kannski að fljúga

framhjá rétt í svip,

gæfi okkur gætur

og gægðist jafnvel inn,

því honum létt það lætur

að líða um himininn.

 

 

Hann góður er og glettinn

við góð og lítil börn,

margan bjó til blettinn,

birkiskóg og tjörn.

Þar blómin anga í brúnum

berjalautum hjá,

og grasið grær á túnum ,

sem gaman er að slá.

 

 

Himininn er heiður

og höfin lygn og blá,

sér fuglar finna hreiður

og flétta saman strá,

verpa í þau eggjum,

sem engin snerta má,

sumir víst í veggjum,

við skulum fara og gá.

 

 

Daggardropinn glitrar

við draumalandsins kvöld,

lækjarseytlan sytrar

svalandi og köld.

Nú grætur litla grundin

af gleði fagurt vor,

hjá lindinni við lundinn

sjást lítil stúlkuspor.

 

 

Ég heyri að byrinn bíður ,

hann bíður eftir þér,

og tíminn ljúfi líður,

ég líka flýti mér.

Því létt og fleyg er lundin

litla stúlkan mín,

nú svíf ég yfir sundin

og sæki skipin þín

64. Ljóð Vordagur í Hörgárdal

Höfundur: Guðmundur Árni Valgeirsson

Auðbrekku

f: 11.11.1923  d: 17.04.1976

 

VORDAGUR Í HÖRGÁRDAL

 

Fær mannsaugað dýrðlegri sýn yfir dal og hól?

Eru draumalönd nokkur til svo fögur og víð?

Hver smálíf brosir við heiðríkju af hádegissól,

himininn djúpur og tær eins og lind í hlíð.

 

Ilmur í lofti, angan úr frjórri jörð,

ómur af hjalandi laufi og fuglaklið.

Fagur og hreinn stendur fjallahringurinn vörð,

og fossarnir vorljóðin kveða með þýðum nið.

 

Hin nóttlausa veröld, vordagsins eilífa tign

vaxandi stígur um landið með rísandi glóð.

Hin stærsta elfa, hinn minnsti lækur er lygn,

þau liðast um dalinn, glitrandi mild og hljóð.

 

Hvert hjarta fyllist af ást og ólgar af þrá,

í auðmýkt sig beygir og lofar hinn fagra dag.

Skógar, hjarðir, maður og minnsta strá

mynnast við alheimsgígjunnar töfralag.

 

Hryðjuverk

Flokkast þetta kannski undir hryðjuverk?

Eru múslimir að eitra fyrir þessum 3% eða er þetta bara slys?

Ef þetta er slys hvað er þá verið að blanda trú inn í þessa frétt?

40 látnir af völdum baneitraðs áfengis í Pakistan