19. Ljóð

Höfundur: Guðmundur Árni Valgeirsson

Auðbrekku

f: 11.11.1923 d: 17.04.1976 

EITT HUNDRAÐ ÞÚSUND OG EITTHVAÐ

 

Eitt hundrað þúsund og eitthvað,

er þú kominn í bæinn.

Til þess að láta þér leiðast,

líða inn í tómið og daginn.

 

Tínast í fjöldans flaumi,

falla í skuggans veldi.

Lifa sem nafnlaust númer,

nakinn að ævi kveldi.

 

Er kannski best að blunda,

og berast í öldurótið.

Vera steinn meðal steina,

steyptur í sama mótið.

 

Þó mun að enduðum öldum,

um útbrunnar tímans nætur,

útburðar vælið óma

sem einmanna bugast lætur.