Engin takmörk

MBL (Á öðrum stað í Kópavogi handtók lögregla hálffertuga konu en í fórum hennar var varningur sem hún gat ekki gert grein fyrir, m.a. fartölva og nokkurt magn lyfja.)

Ráfar um netið undir áhrifum lyfja.

Eru engin takmörk fyrir því hvar fólk undir áhrifum er að þvælast?

Kona staðin að verki við innbrot

Annað ljóð

Höfundur:Guðmundur Árni Valgeirsson

f:11.11.1923 d:17.04.1976 

HINN EILÍFI GARÐUR

 

Oft hef ég gengið um garðinn

og glaðst með fallegum rósum,

horft á himininn hlæja

heiðan með norður ljósum.

 

Oft hef ég gengið um garðinn

götuna niður við sjóinn,

hlustað á bárurnar byltast

og berjast við ísinn og snjóinn.

 

Oft hef ég gengið um garðinn

með grenjandi úlfum og ljónum,

sem bitu mig báðu megin

uns blóðið storknaði í skónum.

 

Oft hef ég gengið um garðinn

og gist meðal blóma í lundi,

kropið á kvöldin við eldinn

kysstur af fallegu sprundi.

 

Margt hefur skeð fyrir morgunn

og margt kemur seinna á daginn,

hverfullt er konu hjarta

og kvöldroðin norðan við bæinn.

 

Er ganga um garðinn erfið?

Hún getur verið það stundum,

fyrir þá sem oft eru eltir

af úlfum, refum og hundum.

 

Því koma dimmir dagar

með dökkum skuggum og baugum,

umvefja allt og alla

aftur göndum og draugum.

 

Margslungið mannlífið reynist

margir í fjöldanum tínast.

En látið þá líka í friði

sem lifa á því að sýnast.

 

Víst er það margt sem maður

má hvorki vita né reyna,

en lífsspeki liðinna alda

lifi í krafti þess hreina.

 

Enn mun ég ganga um garðinn

og greypa nafn mitt í steina,

vermda lífið með lífi

lifa, bíða og reyna.

 

Sagan í hnotskurn

Að safna liði og leita hefnda hefur verið leið íslendinga til að leysa málin frá landnámi.

Í Íslendingasögu er þetta á annarri eða þriðju hverri blaðsíðu og þykir flott.

Þessum sögum er mikið haldið á lofti, en í dag eru menn þó ekki að höggva hvorn annan í herðar niður.

Stoppaðir í árásarleiðangri

Fiskidauðinn mikli

Það er eins gott að þeir hafa allar þessar rottur.  Þar er fersk fæða.

Fiskadauði í Kína vegna mengunar

Endurtekning

Kvæði ort á sjöunda áratug síðustu aldar.

Höfundur:Guðmundur Árni Valgeirsson

Frá Auðbrekku

f:11.11.1923 d:17.04.1976 

BERGMÁL  TÍMANS 

Einokunin og ótal margt,

Ísland þjáði á fyrri öldum.

Þó var lesið á kyrrum kvöldum,

kveðnar rímur, en lifað spart.

Flestum lands mönnum fannst þó hart,

fastir að hanga á dönskum klafa,

því miskunnar aldrei verður vart,

hjá valdhöfum þeim sem styrkinn hafa.

Kærleikur þeirra er keyrið svart,

en kraftaverkið - að grafa.

 Þeir fluttu til landsins maðkað mjöl

og mönnum það seldu á þreföldu verði,

að okra og svíkja ekkert til gerði,

því enginn hafði á neinu völ.

Þeir féflettu landsmenn og fölsuðu skjöl,

því framburður þeirra ei danskir rengdu.

Hungraða ræfla, kreppta af kvöl,

sem krónu stálu, þeir tóku og hengdu.

Og Hólmfasti fannst það hálfgert böl

þegar helvítin karlinn flengdu.

Dansklundað illþýði, - íslenskt þó,

óheflað skriðdýr með lágu hvötum,

héldu sig menn í fínum fötum

en fátækra bænda krepptu skó.

Fengju þeir sjálfir frelsi nóg,

var fallvalt að treysta á slíka hrotta.

Menn, dæmdu frá eignum í kóngsins kló

með kærum, svikum, með falska votta.

En fólkið sem þurfti að fara á sjó,

fékk varla snæris spotta.  

Við kúgarans sterka kverka tak,

kvaldar sálir til moldar hnigu.

Aðrir af reisn og eldmóð stigu,

áfram veginn með teinrétt bak.

Þó fáir af slíkum bæru blak,

samt berjast þeir máttu í allra þágu,

við ís sem landinu upp að rak,

eldgos harðindi og skatta plágu.

Og víða í gegnum laupinn lak,

hjá lubbunum hinum gráu.  

Sjálfstæði okkar var endur heimt

á öldinni þeirri sem nú er að líða.

Í margar aldir máttum við bíða,

máttlausir, vonað, um frelsið dreymt.

Ekki þó okkar eðli gleymt,

andlegum þroska, né fornum sögum,

alltaf vakið og áfram geymt,

og eldskírn hlotið frá liðnum dögum

þó alstaðar væri orðið reimt,

af útlendum þrælalögum. 

En seinna á þessari sömu öld,

siðfræðin virðist í hæpnasta lagi.

Einhyggju menn af ýmsu tagi,

eyja framundan styrk og völd.

En aðferð þeirra er ill og köld,

eindreginn vilji landið að selja,

auðhringa bak við og erlendan skjöld,

öruggir munu þeir framvegis dvelja.

Og menningin deyr út við myrkvuð tjöld,

ef menn kunna ekki að velja. 

Í Straumsvík ef upp byggist iðjuver,

er íslenskt sjálfstæði í bráðri hættu,

og atvinnuvegir okkar mættu

ekki við slíku brölti hér.

Þar sem fámenni fyrir er,

fær ekkert staðist svoleiðis þróun.

Ennþá situr hér erlendur her,

ýmsum til miska, en sumum fróun,

að sjá hvenær burtu svo hann fer,

er sannkölluð stjórnarprófun.  

Nú skal sameina þessa þjóð,

sem þúsund ár hefur beðið í sárum,

lifað í eymd, með trega og tárum,

tapað og misst sitt hjarta blóð.

Því enn þá logar hin aldna glóð,

og aftur mun rísa heiðskír dagur,

sem upp hefur sterkan andans óð

og öruggur ljómar nýr og fagur.

Í innstu leynum við eigum sjóð,

sem er eining og þjóðar hagur. 

Ísland skal vera íslenskt land

og Íslendinga, á komandi dögum.

Byggt upp af ljóðum, list og sögum,

með litla báta við fjöru-sand.

Siglandi skip, um sjávar band,

sækjandi fisk og að landi streyma,

og loftið kljúfa við ljóssins brand.

léttfleygar þotur, víða um geima.

Við sjáum að engu má sigla í strand,

en sigrum og eigum hér heima. 

Óvæntir gestir

Þeir hafa þá nóg að orða þarna í Kína.

Ég sá heimildarmynd þar sem sýnd er veiði á mýrarrottum og þær svo steiktar og étnar.

Óvæntir gestir með flóðunum í Kína

Flest gerir maður

nú erum við byrjuð að læra sænsku til að geta talað við tengdafólk Gumma á þeirra máli því að ætla að tala um allt á ensku við (við erum illa talandi á ensku og sum af þeim líka) þau um alla hluti gengur bara ekki upp.

Við stefnum á að fara út næsta sumar og verða kannski í mánuð eða svo, það kemur í ljós síðar.

Sumarið ætlar ekki að vera merkilegt hér á norðurlandi (við ströndina alla veganna), en lengi er von á einum sólardegi.

Lítið hefur orðið um útilegur en sem komið er og er það veðri um að kenna, því hitinn verður að vera yfir 10 gráður til að maður nenni að fara af stað.

Við ætlum alla veganna að fara vestur þegar Gummi og Stína koma til landsins, en von er á þeim 4 ágúst.

Linda Rós kemur á föstudaginn og verður hjá okkur í viku eða svo, kannski förum við eitthvað með hana og notum vagninn ef fortjaldið verður komið, en því seinkar eitthvað, átti að koma á föstudaginn síðasta.

Ekki meira röfl að sinni.

Óó

Hélt hann væri í tölvunni að leika Need for Speed eða jafnvel driver.

Ökumaður yfirbugaður eftir hraðakstur

Afmæli

Í gær 5.7. var okkur boðið í afmæli hjá Jonna (Jónatan) sem var hálf níræður (45 ára).  Blessaður kallinn er farinn af stað niður brekkuna.

Veislan var í húsi Hvítasunnukirkjunnar og var mannmargt nokkuð.

Fín veisla sem Eygló stóð fyrir (kannski of trúað fyrir minn smekk sem er náttúrlega algert aukaatriði) og fórst henni þetta bara vel úr hendi.

Að loknum ræðuhöldum og söng var boðið upp á kaffi og kökur.  Ekki var annað að sjá en allir ættu góða stund saman.

Til hamingju með aldurinn Jonni og passaðu þig á hallanum sem framundan er.

Tjörublæðingar????

Blæðing er úr blóði en ekki tjöru eða neinu öðrum vökva. 

Skrýtið að nota þetta orð blæðing (blóð sem lekur).  Maður notar ekki blæðing um vatn, bensín eða olíu.

Af hverju þá tjöru????

Tjörublæðingar á Þingvallavegi