Var

til einhvers að fljúga með þær óvirkar?

Flaug með virkar kjarnorkusprengur yfir þver Bandaríkin

Tveir lítrar

var það allur afraksturinn eða var hann búinn að koma öðru í  lóg?

Bruggari handtekinn á Suðurlandi

45. Ljóð Plágan

Höfundur: Guðmundur Árni Valgeirsson

Auðbrekku

f: 11.11.1923  d: 17.04.1976 

PLÁGAN

 

Margt er það sem manninn kvelur

og mannslíkaminn í sér felur,

þar leynist meinsemd ein og ein.

Höfuðþyngsli blöðrubólga

bakverkur og maga ólga.

 

Sjúkdómarnir verka víða,

við þá erfitt mjög að stríða,

og léttvæg talin læknis ráð.

Enda nokkuð oft það skeður,

að einhver saddur heiminn kveður

og nafnið hans í skruddu skráð.

 

Krabbamein í maga og lungum

á mönnum sumum frekar ungum,

er býsna algengt orðið nú.

Sagt of mikið sumir éti

af seiddu brauði og hangi keti,

í maga stafi af meinsemd sú.

 

Víða er lungna krabbi á kreiki

og komi helst í þá sem reyki

sígarettur, sagt er mér.

En lækna eru að grúska og greina,

grafast fyrir mein og reyna

að sigra þennan sýkla her.

 

Já margt er erfitt manna bölið,

þó menn fái ekki sterka ölið,

sem brauði mundi breyta í stein.

Þó er eitt samt öllu verra,

sem angra marga landsins herra,

andleg kýli og krabbamein.

 

Þessi pest er plágan versta,

pest sem hefur smitað flesta,

en lítið frá í göngum greint.

Hún virðist aukast ár frá ári,

og ekkert lát á þessu fári,

ólæknandi - - alveg hreint.

 

Þetta er orðin þjóðar plága,

þjakar bæði háa og lága,

sig ekki margur út úr sker.

Það snemma berst í barnsins huga

og breiðist út ef nokkur smuga

opin finnst og ávöxt ber.

 

Enda er flest hér orðið rotið,

og allt það góða niður brotið,

því haturs blómið heljar, grær.

Með ánægju hiklaust aðra hendi

af sér margur kappinn brenndi,

ef næsti maður missti tvær.

 

Kristnir menn í kristnu landi,

komnir eru fast að strandi,

því brostinn virðist báturinn.

Á erlend skurðgoð ýmsir trúa,

öflugt flestu góðu snúa,

og geysilegir elta gullkálfinn.

 

Hér áður fyrr var alinn kálfur,

oftast étinn meir en hálfur,

ef glötuð vera gægðist inn.

Nú hefur dregið skugga á skýin

menn skála glatt og dans er stíginn,

gráðugt kringum gullkálfinn.

 

44.Ljóð Ort á Holtavörðuheiðinni

Höfundur: Guðmundur Árni Valgeirsson

Auðbrekku

f: 11.11.1923  d: 17.04.1976

ORT - Á

HOLTAVÖRÐUHEIÐI

 

Fram undan Fornihvammur

fallegur sýnist mér,

lyftist í hyllingum heimsins,

hlæjandi móti þér.

Stúlkurnar brosandi blikka,

með brjóstin svo lokkansi heit.

Bjóða okkur svimandi sælu,

við sundin í Eden reit.

 

 

 

Enginn veit hvað gerist,

þegar kemur kvöld,

kvikur loginn seiðir

hjartans þrá.

En reynslan hefur sannað

mönnum öld af öld,

að eitthvað hefur

komið fyrir þá.

Og það sem hefur gerst,

er að gerast enn,

götuna við lengjum

allir fram.

En listin er að

búa til betri menn,

brunum við nú heim

í Fornahvamm.

Ökuferð

Ótrúlegt hvað margir eru að keyra en hafa ekki réttindi til þess.

Og ofan á það eru sumir líka undir áhrifum áfengis eða vímuefna.

Spurning hvort fólk sem er tekið án ökuleyfis eigi ekki að setja beint í steininn, t.d. gæsluvarðhald í viku eða eitthvað, því ekki dugir að taka af þeim skírteinið eða sekta um tugi eða hundruð þúsund því það stoppa þetta fólk ekki.

Réttindalausir ökumenn í umferðinni

Smekklaus

Það er nú allt í lagi að hafa smá húmor þó menn séu trúaðir.

Mér fannst þetta bara fyndið og ekkert athugavert við það að gera smá grín af trúnni.

Biskup segir nýja auglýsingu Símans smekklausa

Æfa sig í óbyggðaakstri

Trúlega fara þeir um vestfirði.

Þeir þurfa ekki að fara út fyrir hið íslenska þjóðvegakerfi til að komast í ófærur.

Vestfjarðarhringurinn er fínn í þetta byrjar á bundnu slitlagi þaðan inn í gamla vegakerfið sem var hér um land allt fyrir 20-30 árum og þaðan inn í slóða sem menn færu ekki á hestvögnum annarstaðar, slóða svo sem Dynjandisheiði og fleiri heiðar auk þess langan kafla á Barðaströndinni.

Danskir hermenn æfa sig í óbyggðaakstri

43. Ljóð Nótt

Höfundur: Guðmundur Árni Valgeirsson

Auðbrekku

f: 11.11.1923  d: 17.04.1976 

NÓTT

 

Vaki ég einn um vetrar nótt,

vindurinn hvín við gluggann,

Í vöggunni blunda börnin rótt,

bátarnir hafa á djúpin sótt

og Skotta er flúin í skuggann.

 

Upp um hlíðar hjarnið kalt,

hylur gróður og mela.

Mörgum þykir á sjónum svalt,

sumir fiska og hirða allt,

en aðrir stundinni stela.

 

Brotnar á skerjum báran köld,

brotsjóir æða um höfin.

Togstreita er um tign og völd,

táknrænt mál fyrir þessa öld,

og gapandi bíður gröfin.

 

Víða er enn þá bröndum beitt

og byssu kúlurnar fljúga,

mörgum bæjum er alveg eitt,

ekki þann djöfulskap stöðvar neitt,

því lubbarnir áfram ljúga.

 

Merlar nú jörðu mánans glóð,

mönnunum vill hann lýsa.

Mörg er í húmi meyjan rjóð,

margur leggur fram gildan sjóð,

því folarnir úti frýsa.

 

42. Ljóð Niður

Höfundur: Guðmundur Árni Valgeirsson

Auðbrekku

f: 11.11.1923  d: 17.04.1976 

NIÐUR

 

Eitt sinn var ég voða ungur

og verð það stundum enn.

Litlum börnum langar alltaf,

líka að verða menn.

Þó kvöldin séu köld og löng,

þá kemur dagur senn.

 

Vorið styður veröldina,

víðar en á sæ.

Ég hef víst átt allt hamra gil

og helminginn af bæ,

þó held ég að ég hangi ekki

á hinu sem ég næ.

 

En fagrar vonir finnast oft

og fegra ljúfan il,

því englar hárin gullnu eru

ævinlega til,

þó kunnum við ekki að kemba þau,

við kunnum á engu skil.

 

Ströndin sígur, stjörnur hrapa,

stormar skelfa lönd.

Þrællinn sem í hlekkjum lá

mun hrista af sér bönd,

hlaupa inn í skuggann skreppur

enn skynja þó sinn vönd.

 

Villt þú ekki vaka hjá mér

vina litla stund,

hlusta á blæinn hjala

í hléi við bjarkar lund,

og lóurnar sem leika sér

við lyng og mýrar sund.

 

Margt er til í heiminum,

því heimurinn er stór

höfðingjarnir taka lagið

allir í kór,

en slappur maður slagar heim

því slitinn er hans skór.

Í fjarska krunkar krummi

í kjarrinu mjór,

nátthrafn er ei neinum til gleði.

Holskeflan sogast yfir sandinn,

upp og niður

og dregur okkur bæði

í djúpið, -

 

því miður.

 

Hvernig

væri að taka upp svona verkalýðsþjónustu hér eins og er þarna í Bretlandi.

Verklýðsfélagið vill fullvissa sig um eitthvað og þá er bara farið í verkfall til þess að knýja fram svör.

Hér eru sendi spurningalistar til ráðamanna og annarra, beðið í einhverja mánuði eftir svari sem kemur ekki, þá er bara málið látið niður falla.

Verkföll lama enn jarðlestarkerfið í Lundúnum